Bashkëluftëtari i Ilaz Kodrës, Sami Lushtaku ka bërë rrëfimin prekës duke kujtuar momentet me Ilaz Kodrën në 25 vjetorin e rënies së tij.
Lushtaku ka thënë se në shenjë mirënjohje për të rënët, shkon gati çdo ditë në 2 e 3 të natës te varret e shokëve të rënë për lirinë që ne e gëzojmë sot.
“Unë gati nuk po them çdo ditë, por në javët ndoshta edhe në 2 e në 3 të natës shkoj para varreve të shokëve”, ka thënë Lushtaku.
Ai ka thënë se ideali i luftëtarëve dhe të rënëve për lirinë është realizuar në 95 për qind.
“Për secilin pjesëtar të UÇK-së, për secilin shqiptar, unë mendoj se ideali i atyre burrave që kanë rënë, është realizuar 95 për qind. Baballarët tonë nuk e kanë menduar asnjëherë që do të ketë President të Kosovës, Kryeministër, Polici të Kosovës që do të ketë edhe Ushtri të Kosovës. Unë mendoj që familjet e dëshmorëve dhe invalidëve të Kosovës kjo i bën me u ndje edhe më mirë, por edhe të lumtur se gjaku i tyre nuk ka shkua huq”, është shprehur Lushtaku.
