Ministri i Punëve të Brendshme, Xhelal Sveçla ka njoftuar për armatimin e gjetur në Zveçan.
Sveçla ka shkruar se mbetjet kriminale të Milan Radojçiqit po i ç’rrënjosin nga veriu i vendit.
Sipas tij, është e qartë kush qëndron prapa kësaj veprimtarie si edhe pas depove të tjera të armatimit, sulmeve ndaj zyrtarëve, pjesëtarëve të KFOR-it dhe gazetarëve e qytetarëve.
“Në çdo ditë të punës sonë po zbulojmë përmasat e krimit dhe kapacitetet e armatimit që kanë pasur grupet kriminale në veri, të cilat kanë sulmuar apo kanë planifikuar të sulmojnë zyrtarët tanë dhe institucionet tona.
Mbetjet kriminale të Milan Radojçiqit po i ç’rrënjosim nga veriu i vendit tonë.
Është e qartë kush qëndron prapa kësaj veprimtarie si edhe pas depove të tjera të armatimit, sulmeve ndaj zyrtarëve tanë, pjesëtarëve të KFOR, gazetarëve e qytetarëve. Të njëjtit e sulmit të Banjskës, të cilët strehohen në Serbi e mbrohen dhe glorifikohen nga Aleksandër Vuçiq”, ka shkruar Sveçla.
