Sindikata e Policisë sot ka mbajtur mbledhjen me të vetmën pikë të rendit të ditës, e cila ishte votimi për shkarkimin e kryetarit të SPK-së Imer Zeqiri.
Sipas njoftimit është bërë e ditur se në kuvend të pranishëm ishin 60 delegatë nga gjithsej 73 delegatë dhe në mënyrë unanime me vota të hapura të gjithë kanë votuar pro shkarkimit.
“Kuvendi i Përgjithshëm i SPK-së i siguron të gjithë anëtarët e Sindikatës së Policisë së Kosovës se kjo Sindikatë do të vazhdoj punën pa pengesa deri në Kuvendin e ardhshëm duke mbrojtur të drejtat e çdo punonjësi të Policisë së Kosovës, ngritjen e mirëqenies dhe kushteve të punës”, thuhet në komunikatë.
Ditë më parë, me rekomandimin e Inspektoratit Policor të Kosovës është suspenduar Zeqiri, pasi dyshohet se ka kryer veprën penale “fotografim dhe incizime të tjera të paautorizuara”.
