Gjatë ditës së sotme në mediet vendore u publikua një video që tregon një sekuencë nga biseda e kryetares së Grupit Parlamentar të Lëvizjes Vetëvendosje, Mimoza Kusari me kriminelin Milan Radojiçiq, e zhvilluar në vitin 2022.
Në videon në fjalë Radoiçiq shfaqet i afërt me Kusarin të cilën e quan edhe “vendase”.
Për këtë ka reaguar deputeti i LDK-së, Driton Selmanaj, i cili ka thënë se biseda e realizuar mes Kusarit dhe Radojiçiqit ishte bërë në kohën kur ky i fundit ishte i dyshuar për krime dhe ishte në listën e zezë të SHBA-ve.
Selmanaj, me këtë rast hodhi kritika të ashpra ndaj LLV-së Kurtit e Kusarit.
Postimi i plotë:
Alo “Zemljake”.
Albin Kurti - E përkujton me respekt dhe i thurr lavde ish-kryeministrit të Serbisë, Zoran Gjingjiq.
- E përkujton dhe gati sa nuk e shpallë hero kombëtarë kriminelin e luftës Oliver Ivanoviq.
Sot na u vërtetua se shefja e grupit të tij parlamentar Mimoza Kusari - Lila, paska biseduar me Milan Radojçiqin, në kohën kur ishte i dyshuar për krime dhe ishte në listën e zezë të SHBA-ve.
Kjo është Lëvizja politike që mashtron dhe tradhton qytetarët dhe votuesit e tyre!
Ky është Albin Kurti i vërtet!
Kjo është Mimoza Kusari - Lila!
