Në “Debat Plus” është duke u diskutuar për veprimtaritë ilegale e legale gjatë të ’90-tave që çuan në çlirimin e Kosovës.
Për këtë pati një debat në mes të deputeti të PDK-së, Xhavit Haliti dhe analistit Dardan Gashi.
Haliti e akuzoi Gashin se po flet për çështje “që nuk i di”, kur po flet për të ’90.
I gjithë ky debat erdhi pasi Haliti tha se nuk ka pasur vullnet nga presidenti Ibrahim Rugova për një fron të përbashkët, kur kanë diskutuar në vitin 1990.
Haliti: Prandaj, unë nuk jam këtu me i bërë qefin askujt. Kam ardhë me shpjegu atë që e di. Në çështjen që nuk i di unë nuk futem, ti po futesh.
Gashi: Cilat, tregomi?
Haliti: Ti ke qenë i ri, ti s’ke qenë askund. Pas luftë je ardhë në Kosovë, aq di.
Gashi: E ti kur je ardhë në Kosovë?
Haliti: Krejt jetën e kam bërë në Kosovë dhe veç me Kosovë jam marrë.
