Kryetari i Mitrovicës, tash edhe kandidat i PDK’së për kryeministër, Bedri Hamza, ka njoftuar se sot është takuar më ambasadorin e SHBA’së në Kosovë, Jeffrey Hovenier.
Ai tha se me Hovenier ka biseduar për zhvillimet e përgjithshme në vend dhe për rritjen e bashkëpunimit me Qeverinë e SHBA-së.
Hamza ka thënë se Kosova dhe SHBA duhet të vazhdojnë koordinimin e ngushtë “sidomos në çështjet që kanë të bëjnë me interesin e vendit”.
“Kosova dhe SHBA-ja kanë ndërtuar marrëdhënie të veçanta në të gjitha fushat dhe mbetet imperative që të vazhdojmë të koordinohemi ngushtë, sidomos në çështjet që kanë të bëjnë me interesin e vendit.”
Postimi i plotë
Në Ambasadën e SHBA-së në Kosovë, sot me ambasadorin Jeffrey Hovenier bisedova për zhvillimet e përgjithshme në vend dhe për rritjen e bashkëpunimit me Qeverinë e SHBA-së.
Kosova dhe SHBA-ja kanë ndërtuar marrëdhënie të veçanta në të gjitha fushat dhe mbetet imperative që të vazhdojmë të koordinohemi ngushtë, sidomos në çështjet që kanë të bëjnë me interesin e vendit.
