Biznismeni dhe lideri i AKR-së, Behgjet Pacolli përmes një postimi në Facebook ka shprehur ngushëllimet e tij lidhur me vdekjen e shkrimtarit të madh shqiptar, Ismail Kadare.
Pacolli ka shprehur ngushëllime familjarëve të tij dhe ka shkruar se ka pasur fatin ta njoh personalisht.
Postimi i plotë:
Me dhimbje të thellë mora lajmin për vdekjen e Ismail Kadaresë.
Ngushëllimet e mia më të thella për zonjën Elena (e cila e shoqëroi me dinjitet deri në minutën e fundit të kësaj jete), vajzave Basjanës dhe Gresës, ngushëllime familjes së tij të gjerë, të gjithë miqve të tij dhe atyre që patën privilegjin ta njohin.
Unë pata nderin e veçantë ta njoh personalisht!
U prefsh ne paqë Maestro!
