“Ky ka qenë takimi ma mbresëlënës në jetën time dhe është prej mburrjeve më të mëdha në jetën time”, deklaratën e Baton Haxhiut pas takimit me Jovica Stanishiqin, e ka komentuar gazetari Jeton Sopa. Sipas tij, këtë mund ta thotë vetëm gazetari famëkeq Baton Haxhiu.
Gazetari Sopa tutje shkruan se tani po dihet se Haxhiu ka takuar vetëm një herë Stanishiqin, ndërsa herët e tjera është takuar me vartësit e tij.
Postimi i plotë:
Me taku famëkeqin Jovica Stanishiqin dhe me thanë që “ky ka qenë takimi ma mbresëlënës në jetën time dhe është prej mburrjeve më të mëdha në jetën time” këtë gjë mund ta thotë vetëm gazetari famëkeq Baton Haxhiu i cili së bashku me një piun të tij sot na defilojnë nëpër portale e studio televizive duke na shitur moral e patriotizëm.
Batoni tha se e ka takuar vetëm një herë Stanishiqin e tash po na del se herave tjera qenka taku me vartësin e tij, Zoran Stihoviç i cili në atë kohë ka qenë shef i operacioneve të UDB-së në Kosovë.
Ndërkohë Zoran Stihoviç në dëshminë e tij në Hagë ka thënë se UDB-ja i ka pasur 200 bashkëpuntorë-informatorë të infiltruar në UÇK..
Një njeri që del thotë publikisht se nuk duhet të dënohen krimet barbare serbe në Kosovë,krenohet me takimin me Stanishiqin e lobon haptazi për ndarjen e Kosovës nuk mund ta quajmë ndryshe përveçse ashtu si e meriton : Baton Stanishiq.
