Deputetja e LDK-së, Valentina Bunjaku-Rexhepi, nuk i beson sondazheve që Lëvizja Vetëvendosje do të fitojë në zgjedhje.
Kështu u shpreh ajo në emisionin Info Magazine në Klan Kosova, duke shtuarq “nuk i besojmë sondazheve absolutisht. Ne si LDK jemi duke e bërë punën tonë në terren, jemi të konsoliduar më shumë se kurrë si LDK dhe garojmë për vendin e parë”.
Ajo tutje e cilësoi kryeministrin Albin Kurti si mashtrues tipik që i mashtron qytetarët e Republikës së Kosovës,ndërsa për presidenten Vjosa Osmani ajo vlerësoi se ka përfituar prej Kurtit dhe Lëvizjes Vetëvendosje që ta gëzojë sot pozitën e presidentes.
“Tani ajo do të duhej ta respektojë kushtetutën dhe të bëjë një shkëputje nga Kurti sepse ai është thjesht një mashtrues i qytetarëve dhe kjo nuk i bën nder nëse është bashkë me të”, u shpreh Bunjaku-Rexhepi.
