Një aktakuzë e ndryshuar për ish-kryetarin e Malishevës, Isni Kilajn është dorëzuar nga Zyra e Prokurorit të Specializuar të Kosovës me seli në Hagë.
I liruar me kusht nga Gjykata Speciale, më 15 maj të këtij viti, ai tani po akuzohet për pengim të drejtësisë.
Në njoftimin e lëshuar, në atë kohë thuhej se edhe pse Isni Kilaj është liruar, ai prapë e ka statusin e të dyshuarit në proceset e Dhomave të Specializuara.
Lirimi i tij ishte bërë pas plotësimit të kushtit të dorëzanisë në shumë prej 30 mijë eurosh.
