Deputeti i Lëvizjes Vetëvendosje, Salih Zyba ka dalë me një konstatim interesant për mediumin Slobodna Bosna dhe raportimin e fundit të RTK-së.
Ai e quan media kredibile mediumin në fjalë derisa thotë se në Kosovë “reagimet e disa mediave nuk janë reagim ndaj raportimit të Slobodna Bosnes, po pse RTK e ka njoftuar qytetarin e Kosovës për këtë rrezik”.
“Slobodna Bosna është media kredibile në Bosnje. Ajo ka raportuar për synimet e Beogradit për kontroll të mediave në rajon dhe Kosovë. Në hulumtim përmenden dy media të Kosovës.
E në Kosovë, reagimet e disa prej medieve nuk janë reagim ndaj raportimit të Slobodna Bosnes, po pse RTK e ka njoftuar qytetarin e Kosovës për këtë rrezik. Edhe këtë duhet ta dijë qytetari”, shkruan Zyba.
