Politologu Milazim Koci ishte këtë të martë në një intervistë për Euronews Albania ku tha se vendimi i BE për të hequr vizat për serbët e Kosovës.
Ai tha se ky qëndrim i BE-së është ndër qëndrimet më goditëse për shtetin e Kosovës, pasi sipas tij kjo nënkupton që në “tryezën” e BE-së flitet edhe për ndarje të veriut të Kosovës.
“Mendoj se ky është një nga qëndrimet më goditëse që ka ndërmarrë Bashkimi Europian deri më sot dhe praktikisht, është sinjal që Bashkimi Europian në tavolinë ka edhe opsionin e ndarjes së Kosovës. dua t’ju kujtoj që dokumentet e lëshuara nga Serbia, figuron vendi Mitrovicë si pjesë e shtetit Serb.
Bashkimi Evropian njeh këtë dokumentacion dhe praktikisht heq dorë nga pozicioni neutral në raport me statusin e Kosovës siç e kishte deri më tani dhe në realitet e në praktik, njeh veriun si pjesë të Serbisë. Ky është epilogu i atij vendimi të Bashkimit Europian. Me këtë vendim serbët absolutisht nuk kanë asnjë motiv që të integrohen brenda Kosovës”,-tha Koci.
