Përgjatë më shumë se tri vite qeverisje, kryeministri Albin Kurti në vazhdimësi ka sulmuar gjykatat dhe Prokurorinë. Gjykata Kushtetuese ka qenë më e atakuara, ndërkohë kryeministri Albin Kurti hiç më larg se para një dite ka sulmuar Prokurorinë, pse e ka ftuar ministren e Drejtësisë, Albulena Haxhiun për të dëshmuar.
Këtë fushatë kundër gjykatave dhe Prokurorisë e ka vazhduar sot deputeti i Lëvizjes Vetëvendosje, Dimal Basha, i cili ditëve të fundit ka qenë i angazhuar në fushatë kundër mediave.
Basha sot duke përdorur një matje të pulsit publik të UNDP, ku kënaqshmëria me kryeministrin Albin Kurti del 58.3%, ndërsa me punën e Prokurorisë dhe të gjykatave 26.5 e 27.1%.
Postimi:
Kënaqshmëria me 𝐊𝐫𝐲𝐞𝐦𝐢𝐧𝐢𝐬𝐭𝐫𝐢𝐧 𝟓𝟖.𝟑%
Kënaqshmëria me𝐏𝐫𝐨𝐤𝐮𝐫𝐨𝐫𝐢𝐧ë 𝟐𝟔.𝟓%
Kënaqshmëria me 𝐆𝐣𝐲𝐤𝐚𝐭𝐚𝐭 𝟐𝟕.𝟏%
Kjo gjetje do duhej të ishte alarm dhe moment që Këshilli Prokurorial dhe ai Gjyqësor me këqyr veten n’pasqyrë!
Gjetjet e marra nga Public Pulse (UNDP).
Basha ka shkruar se këto gjetje do të duhej të ishin alarm për Këshillin Gjyqësor dhe Këshillin Prokurorial.
