ASK ka bërë të ditur se në Kosovë janë rreth 200 mijë pensionistë, prej të cilëve 149.504 pensionistë të moshës, të cilët i marrin nga 100 euro në muaj dhe mbi 48 mijë pensionistë kontribut pagues.
Ka rënie edhe të numrit të pensioneve të “Trepçës”, krahasuar me jë vit më parë. Nga 1528 pensionistë sa ishin në qershor 2023, në qershor të këtij viti numri ka rënë në 1239, përkatësisht 18.9% më pak.
Rënie ka edhe te skema për pensionet invalidore (-17,6%); skema e ndihmës sociale (-9,0%); skema për pensionet familjare (-6,2%); skema e pensioneve kontribut-paguese të moshës
(-1,3%); skema për familjet e dëshmorëve dhe invalidët e luftës (-1 %).
