Presidentja e Kosovës Vjosa Osmani ka deklaruar se ҫështja e urës së Ibrit nuk duhet të jetë temë e dialogut, pasi do të përbënte një shkelje të rëndë të sovranitetit.
Pas kësaj deklarate ka reaguar gazteari Lirim Mehmetaj duke shkruar se nëse kjo ҫështje e urës përben shkelje të sovranitetit, a është shkelje edhe diskutimi për veriun.
“A po jepni llogari përse bisedoni me Serbinë për Veriun”, shkruan ai.
Postimi i plotë:
Vjosa Osmani paska deklaruar se çështja e urës mbi Ibër nuk duhet të bëhet assesi temë e dialogut në Bruksel me Serbinë, sepse kështu do të shkaktohej “shkelje e rëndë e sovranitetit, integritetit territorial dhe e kushtetutshmërisë në vendin tonë”.
E saktë është kjo.
Por, nëse diskutimi për urën përbën shkelje të tillë, përse diskutimi për Veriun si tërësi nuk përbën shkelje të njëjtë?
A po e pranoni atëherë edhe vetë se çdo bisedë në Bruksel me Serbinë për Veriun është “shkelje e rëndë e sovranitetit, integritetit territorial dhe e kushtetutshmërisë në vendin tonë”.
A po jepni llogari përse bisedoni me Serbinë për Veriun?
