Deputeti i Lëvizjes Vetëvendosje, Salih Zyba në një postim në Facebook shkruan se është dezinformuar lidhur deklarimet për drejtorin e AKI-së.
Ai shkruan se lajmi se ‘drejtorit të AKI-së i kërkohet kujdes me publikimin e identitetit dhe informacioneve të tjera’, është devijim dhe dezinformim.
Deputeti Zyba shkruan se ‘asnjë nga anëtarët e Komisionit për Mbikqyrjen e AKI-së nuk ka kërkuar kujdes me publikimin e identitetit të zyrtarëve të AKI-së’.
Postimi i plotë:
Devijimi, dizinformimi
"Drejtorit të AKI-së i kërkohet kujdes me publikimin e identitetit dhe informacioneve të tjera"
Titulli dhe përmbajtja e "TV Klan Kosovës" dhe i disa portaleve, përfshirë "Albanian Post", nuk qëndron sepse nuk është i vërtetë.
Asnjë nga anëtarët e Komisionit për Mbikqyrjen e AKI-së nuk ka kërkuar kujdes me publikimin e identitetit të zyrtarëve të AKI-së. Madje, të gjithë njëzëri kemi shprehur shqetësimin tonë rreth publikimit të identiteteve të zyrtarëve të AKI-së që po bëhen tash dhe në të kaluarën, sepse kjo përveç që rrezikon sigurinë kombëtare, është edhe vepër penale.
Shumë i qartë është deklarimi i kryetares së Komisionit në agjencinë "Kosova Press". Por siç duket devijimi nga këto media paska qenë i pashmangshëm. Për qëllimin le të përgjigjen ata.
E vërteta është ndryshe nga devijimi.
AKI është insitucion i rëndësisë së veçantë, kredibil dhe shtyllë themelore e sigurisë.
AKI i përket Kosovës dhe sigurisë së qytetarëve të saj.
