Sot u bë e ditur se Presidentja e Kosovës nuk është trajtuar mirë në aeroportin e Shkupit. Thuhet se ndaj saj ka pasur edhe shtyrje fizike.
Analisti Afrim Kasolli në një postim në Facebook shkruan se shteti maqedon pak ditë më parë arrestoi një ish-ushtar të UCK-së, ndërsa sot Presidentja Osmani trajtohet në mënyrë skandaloze.
Sipas tij, këto janë ndryshimet që ka prodhuar koalicioni VLEN, i përkrahur edhe nga Qeveria e Kosovës.
Postimi i plotë:
Një ish-ushtar i UCK-së arrestohet para pak dite në Maqedoni te Veriut, sipas urdhër arrestit të Serbisë.
Kurse sot presidentja e Kosovës, Vjosa Osmani, trajtohet në mënyrë skandaloze nga policia kufitare e këtij shteti në Aeroportin ndërkombëtar të Shkupit, duke tentuar t'i merret telefoni personal.
Këto janë vetëm disa nga ndryshimet që i ka prodhuar koalicioni VLEN që u perkah nga Qeveria e Kosovës, për bashkëqeverisje me VMRO-DPMNE.
Me këto akte Maqedonia e Veriut, gradualisht po rrëshqet plotësisht nën hegjemoninë e Beogradit.
Kam shkruar edhe para zgjedhjeve paralmentare, se ata që dëshirojnë ta shpetojne këtë shtet nga Ali Ahmeti , ne te vertete vetëm janë duke ia shtruar rrugën per ndikim të plotë të Serbisë në politiken e Maqedonisë se Veriut.
