Kryeministri i Kosovës, Albin Kurti ka qëndruar sot për vizitë zyrtare në Maqedoninë e Veriut, ky është pritur nga homologu i tij, Hristijan Mickoski.
Kjo vizitë e Kurtit është realizuar pak ditë pas skandalit në aeroportin e Shkupit, ku sigurimi i këtij aeroporti kishte tentuar t’ia marrë presidentes së Kosovës Vjosa Osmanit telefonin privat për t’i bërë kontroll.
Njohësi i çështjeve politike, Nexhmedin Spahiu e vlerëson të duhur vizitën e Kurtit në kohën kur raportet mes dy vendeve janë ftohur.
“Vizita e Kurtit në Shkup është pozitive, gjëja më e mirë e tij”, ka thënë Spahiu.
Ai ka shtuar se Kosova duhet të marrë një kërkim falje nga Maqedonia e Veriut.
“Vjosa Osmanit nuk i ka ndodhur gjë, i ndodhi autoritetit të Kosovës”, ka thënë Spahiu.
