Në kohën kur vendi po “vlon” rreth çështjes së hapjes apo mos hapjes së Urës së Ibrit, opinionisti Lirim Gashi, ka kujtuar dialogun ndër vite dhe negociatat me Hashim Thaçin.
Gashi përmes një shkrimi në Facebook, ka pyetur “kush është Hashim Thaçi”, gjersa ka treguar një biografi që sipas tij, “asnjëherë në historinë e njerëzimit nuk kishte një president shteti, që ishte gjarpër kaq frikacak, tradhtar, hajdut, vrastar, kriminel, i dëmshëm dhe i rrezikshëm për kombin dhe shtetin e tij, siç ishte Hashim Thaçi”.
Tutje, ai ka thënë se idenë e kërkim lejes nga Serbia për Kosovën e ka sjellë Thaçi, gjersa ka shtuar se qeveritë më të rëndësishme të botës filluan ta imitojnë Hashim Thaçin, duke i detyruar të gjitha qeveritë e mëvonshme të Kosovës që për çdo gjë të kërkojnë leje nga Serbia.
Shkrimi i plotë:
Si sot më kujtohet, kur Boris Jelcini i dehur, i cili ishte presidenti i Rusisë së atëhershme të dobët, në parlamentin rus të quajtur DUMA, i përshëndeti deputetët me fjalët:
"Amerikanët dhe evropianët nuk do të guxojnë kurrë ta bëjnë Kosovën të pavarur pa lejen e Serbisë dhe Rusisë”.
Disa muaj më vonë, kur e kuptoi se asnjë superfuqi botërore apo evropiane nuk do t'i kërkonte Millosheviqit dhe atij leje për ta dëbuar ushtrinë gjenocidale serbe nga Kosova, ai u detyrua të shikonte si një kufomë e gjallë teksa trupat e NATO-s dëbonin ushtrinë serbe nga Kosova me bomba. .
Me hyrjen e trupave të KFOR-it në Kosovë, agjenti i i inteligjencës franceze Hashim Thaçi filloi ta zbatonte politikën serbe, ruse dhe franceze të ndarjes së Kosovës, duke luajtur rolin më tinëzar dhe më tradhtar të mundshëm në ndarjen e Mitrovicës së Veriut nga Mitrovica e Jugut.
Një vit më vonë, skllevërit politikë të Hashim Thaçit filluan të mburren si gjela mendjengushtë në të gjitha kanalet televizive se e kishin dëbuar ushtrinë serbe nga territori i Kosovës pa ndihmën e askujt, sikur pilotët e NATO-s t'i kishin admiruar betejat e tyre heroike në ekranet e tyre televizive. .
Shtatë vjet më vonë, i madhi dhe i pakrahasueshmi George Ë. Bush vendosi ta lejonte pavarësinë e Kosovës, ndërsa Hashim Thaçit iu dha nderi ta lexonte keq si një analfabet një letër të parashkruar, të cilën skllevërit e tij politikë e keqpërdorën për ta shpallur atë si heroin e tyre kryesor që e përmbylli epokën më të lavdishme të luftës heroike të guerriles së Kosovës të quajtur UÇK.
Menjëherë pas shpalljes së pavarësisë, 112 vende të botës njohën shtetin më të ri në botë, duke përfshirë superfuqitë më të mëdha si SHBA, Britania e Madhe, Franca, Gjermania, Australia, Kanadaja dhe Italia.
Një vit më vonë, i njëjti Hashim Thaçi filloi negociatat për territorin e vendit të tij me delegacionin serb në Bruksel, në vend që të zhvillonte bisedime si kryeministër i një vendi fitues me kryeministrin e një vendi humbës.
Dy vjet më vonë, ai u akuzua për ndërtimin e Shtëpisë së Verdhë në Shqipërinë veriore gjatë luftës, ku kirurgët shqiptarë ia hoqën organet e trupit robërve serbë të luftës dhe i transportuan dhe shiten në tregjet e Evropës Perëndimore sikur të ishin organe kafshësh shtëpiake.
Më vonë doli të ishte gënjeshtra më e madhe në historinë e njerëzimit, sepse edhe sot kirurgët nga Shqipëria nuk janë të aftë teknikisht dhe mjekësisht ta bëjnë këtë.
Dhe në vend që ta padisë Dick Marty-n për një gënjeshtër dhe manipulim të paparë, Hashim Thaçi filloi ta pyesë kryeministrin e Serbisë nëse guxon të shkojë në tualet për ta zbrazur zorrën e tij të trashë.
Ai për çdo gjë kërkoi leje nga çdo kryeministër serb, ndërkaq me Vuçiqin nisi negociatat për ndarjen e Kosovës, me shpresën se do ta blinte lirinë nga Haga duke ia shitur veriun e Kosovës Serbisë.
Menjëherë pas kësaj, të gjitha qeveritë më të rëndësishme të botës filluan ta imitojnë Hashim Thaçin, duke i detyruar të gjitha qeveritë e mëvonshme të Kosovës që për çdo gjë të kërkojnë leje nga Serbia.
Asnjëherë në historinë e njerëzimit nuk kishte një president shteti, që ishte gjarpër kaq frikacak, tradhtar, hajdut, vrastar, kriminel, i dëmshëm dhe i rrezikshëm për kombin dhe shtetin e tij, siç ishte Hashim Thaçi.
Ai që nuk e sheh dot këtë të vërtetë me sy të lirë, por ka nevojë për syze, është padyshim i verbër në tru dhe i varfër në ndërgjegje.
