Nënkryetarja e Partisë Socialdemokrate, Teutë Rrusta, ka thënë se qëndrimi i presidentes, Vjosa Osmani lidhur me temën e hapjes së urës së Ibrit ka qenë i plogësht.
Ajo ka thënë se Osmani në vazhdimësi ka qenë zgjatim i politikave të Qeverisë dhe se nuk mund ta merr seriozisht.
“Qëndrimi i presidentes i plogësht dhe absolutisht brenda ombrellës se krejt çfarë përfaqëson Qeveria, që nuk supozohet me pas roli i saj.
Ajo vazhdimisht ka qenë zgjatim i politikave të Qeverisë, kështu që e kam problem me marrë seriozisht sepse tanë atë pushtet që e ka e nuk e ka përdor… ajo vazhdimisht ka qenë presidente e një pjese të qytetarëve të Kosovës. Askujt nuk i konvenon një presidente e cila është kaq ngushtë e lidhur me Qeverinë e Kosovës. Presidentja nënkupton diçka tjetër”, ka thënë Rrusta.
