Nga menaxhmenti i Ndërmarrjes “Trepça”, kanë konfirmuar për KosovaPress se minatorët kanë marrë pagat për muajin qershor, mirëpo jo edhe për muajin korrik.
Ndërkaq, Qeveria e Kosovës javën e kaluar nga Pakoja për Ringjallje Ekonomike ka ndarë mbi 4 milionë euro për pagat e minatorëve, në mënyrë që të tejkalohet kriza aktuale.
Të njëjtit patën paralajmëruar protestë për realizimin e kërkesave të tyre, mirëpo kjo u anulua pas subvencionit të Qeverisë me miliona euro për minatorët e Trepçës.
Në anën tjetër kjo kompani ka pezulluar nga puna pesë punëtorë me arsyeje “shkelje të detyrave të punës”.
Ndryshe, minatorët e Trepçës kishin pothuajse dy muaj pa i marrë pagat.
