Kryetari i degës së LDK-së në Ferizaj, Visar Azemi thotë se aktakuza ndaj ish-kryeshefit të KEK-ut, Nagip Krasniqit është pasqyrë e përfshirjes së pushtetit në KEK.
Azemi, përmes një shkrimi në Facebook thotë se Krasniqin, edhe pas arrestimit, pushteti e kishte marrë në mbrojtje.
“Kjo garniturë e njerëzve të pushtetit që bënin pazare me energjinë, i solli dëme Kosovës në miliona euro. Ndërmarrja e KEK-ut u kthye në çerdhe të krimit, me qindra kontrata njëburimore në vlerën e mbi 100 milionë eurove për dosta të pushtetarëve.
Aktakuza e sotme është pasqyra e përfshirjes së pushtetit në KEK. Ky kontroll e ndikim është i dëmshëm e duhet të marrë fund. Urojmë që organet e drejtësisë do të arrijnë ta zbardhin tërësisht krimin në KEK, pa u penguar nga ky pushtet që me çdo kusht e do kapjen e secilit institucion”, shkruan tutje Azemi.
