Komisioni Qendror i Zgjedhjeve tashmë ka nisur përgatitjet për zgjedhjet e përgjithshme parlamentare që do të mbahen më 9 shkurt.
Në faqen zyrtare të prokurimit publik, figuron tenderi i KQZ’së për furnizim me material administrativ për pakot e vendvotimeve për zgjedhje. Për këtë qëllim, Komisioni planifikon të shpenzojë 80 mijë euro.
Me këtë kontratë parashihet furnizimi me 9 mijë lapsa shkollor me gomë, 9 mijë vizore, 9 mijë gërshërë, kimika të kaltërt për votuesit, mbrehëse lapsi nga metali, Post Notes, letra higjiene, qese të plastikës etj.
Furnizimi duhet të kryhet 30 ditë nga dita e dhënies së kontratës.
Kompanitë e interesuara për të kryer furnizimin kanë afat të dorëzojnë ofertat deri më 17 shtator në orën 13:00, kur edhe do të bëhet hapja e tenderëve.
