Ministrja e Arsimit, Shkencës, Teknologjisë dhe Inovacionit, Arbërie Nagavci ka thënë se mësimi tërëditor ka filluar sa ka qenë ajo Drejtoreshë e Arsimit në Komunën e Prishtinës.
Sipas saj, në vitin 2015 kanë qenë të angazhuar maksimalisht për këtë çështje.
“Ne kemi pas filluar projektin e mësimit tërëditor në vitin 2015 në kohën kur unë kam qenë Drejtoreshë e Arsimit në Komunë të Prishtinës. Në vitin 2015 kam qenë e angazhuar maksimalisht”, ka thënë Nagavci.
Nagavci ka thënë se mësimi tërëditor ka filluar në disa shkolla, teksa shtoi se janë duke pritur raporte të detajuara në lidhje me korrikulat, për formën e organizimit të mësimit dhe çështjeve të tjera.
“Nuk kemi ndonjë të dhënë përtej një njoftimi në imell. Ne po presim që të kemi një raport me shkrim nga Komuna e Prishtinës, mesa kuptova nga Drejtoresha mësimi tërëditor ka filluar vetëm në dy shkolla vetëm për nxënësit e klasave të para deri në të pestën, por natyrisht presim raporte të detajuara për korrikulat, për formën e organizimt të mësimit dhe të gjitha çështjeet tjera”, tha Nagavci.
Tutje, ajo theksoi se tash nevojitet më shumë punë e më shumë aktivitete me fëmijë.
Sipas saj, për realizimin e mësimit tërëditor në në gjithë territorin e Kosovës nevojitet të ketë infrastrukturë të nevojshme e staf të mjaftueshëm.
“Natyrisht se nevojitet më shumë punë me fëmijë edhe më shumë aktivitete por nëse realizohet për të gjithë nënkupton që duhet të ketë edhe infrastrukturë të nevojshme edhe staf të mjaftueshëm dhe të sigurohemi që është një projejt i qëndrueshëm”, ka thënë ministrja e Arsimit.
Nagavci deklaroi se ka kërkuar nga Drejtoresha e Arsimit në Prishtinë që të sjellë të dhënat me shkrim për planifikim dhe të dhënat e tjera.
Ajo shtoi se për momentin nuk mund ta vlerëson se a është reformë në arsim mësimi tërëditor sepse nuk kanë asnjë të dhënë as për korrikula as për gjëra të tjera se çfarë do të punohet gjatë kësaj kohe.
“Unë kam kërkuar nga Drejtoresha që të na sjell të dhënat me shkrim, planifikimin, çfarëdo të dhëne se çfarë konkretisht janë duke reazliuar, na ka njoftuar ditën e premte për mënyrën se si i kanë riorganizu shkollat por nuk kemi asnjë të dhënë as për korrikulat as gjë tjetër se çfarë do të punohet gjatë kësaj kohe, kështu që nuk mund të vlerësoj se a është reformë a jo”
“Si ministri jemi të gatshëm të bashkëpunojmë dhe të ofrojmë mbështetjen për të gjitha nismat që janë në interes të fëmijëve”, përfundoi ajo.
