Ministri i Mbrojtjes, Ejup Maqedonci, ka pritur në takim kryesinë e Shoqatës Shqiptare – Amerikane të Zbatimit të Ligjit.
Bëhet e ditur se gjatë takimit u diskutua për situatën e sigurisë, zhvillimet në fushën e mbrojtjes, sigurisë dhe zbatimit të ligjit.
“Ministri Maqedonci në takimin me kryetarin Elton Shametaj diskutuan për situatën e sigurisë, zhvillimet në fushën e mbrojtjes, sigurisë dhe zbatimit të ligjit, angazhimin e bashkë-atdhetarëve në institucionet e zbatimit të ligjit në SHBA si dhe mundësitë e bashkëpunimit”.
“Ministri Maqedonci më tej u shpreh se bashkatdhetarët tanë anembanë botës kanë qenë ndihmesa më e madhe e jona gjithmonë”, thuhet në njoftimin e ministrisë.
Tutje, në takim u tha se bashkatdhetarët vazhdojnë të jenë kontribuues të rëndësishëm të ekonomisë dhe sigurisë së Kosovës, përmes dhurimit në Fondin e Sigurisë, krahas investimeve në vend.
