Njohësi i çështjeve të sigurisë, Valdet Hoxha, ka thënë se vizita e kryeministrit Albin Kurtit sot në veri, ishte e zakonshme dhe se në rrethana të tjera s’do përbënte as lajm.
Ai, tha se këto vizita do të shpeshtohen për shkak se, sipas tij, janë afër zgjedhjet e përgjithshme.
“Jemi në një fushatë paralektorale, do të shpeshetohen këto vizita, nuk është vizitë përmbajtësore, është vizitë normale, në kushte normale nuk do të duhej të ishte temë.
E pamë edhe një përshëndetje simbolike me ushtarët e KFOR-it, do të mësohemi këto ditë me disa vizita. Të paktën të kursehemi te vizitat e disa ministrave, të paktën shkon kryeministri bëhet temë më serioze. Është vizitë shtetërore e zakonshme nën petkun elektoral”, tha ai.
