Elvis Hoxha, anëtar i Kryesisë së VV-së, ka shkruar një shkrim, në të cilin ka kritikuar temat e debatit në televizionet kosovare.
Duke shtrembëruar të vërtetën, Hoxha shkroi se asnjëherë nuk analizohet Serbia, autokracia e saj dhe lufta hibride.
Tutje, Hoxha e ka mbrojtur shefin e tij partiak, Albin Kurti.
Postimi:
Tema e debateve në Kosovë mbetet e njëjta: Amerika do të largohet. Kurti e ka fajin.
Asnjëherë nuk analizohet Serbia, autokracia e saj, lufta e saj hibride kundër fqinjëve.
Debatuesit janë aq të flaktë në luftën ndaj Kurtit sa thonë turlilloj marinash. Gjini, kryetari i Gjakovës, mbrojtjen e sovranitetit e quante bla-bla-bla.
Nga këto ligjërata të tyre e kupton pse për dy dekada u nda gjithnjë e më shumë veriu, pse u instalua atje krimi dhe bandat, pse ndërkombëtarët nuk përmendnin asnjëherë pikën e marrëveshjes ku bëhej fjalë për pastrimin e veriut prej bandave.
Telenovela e debateve kundër Kurtit do të vazhdojë. Mos prisni që gazetarët milionerë të Kosovës të thonë diçka kundër Vuçiçit.
