Kryeministri i Kosovës, Albin Kurti, ka thënë se raporti për dokumentimin e kulturocidit të kryer nga Serbia në Kosovë është një dëshmi për shkatërrimin sistematik të trashëgimisë tonë kulturore.
Kurti ka shpërndarë postimin e ministrit të Kulturës, Rinisë dhe sportit, Hajrullah Çeku, i cili ka shkruar për gjenocidin e Serbisë në Kosovë.
“Ky raport i hartuar nga Komisioni shtetëror i emëruar nga Qeveria, dëshmon shkatërrimin e 1784 monumenteve dhe 175 bibliotekave, asgjësimin e 1.7 milion librave shqip, grabitjen e 3724 artifakteve dhe dhjetëra mijëra dokumenteve arkivore, dëmtimin dhe vjedhjen e qindra veprave të artit”, ka shkruar Kurti në postim.
Tutje, ai ka potencuar se Republika e Kosovës është e përkushtuar për të vërtetën dhe për drejtësi për të gjitha krimet e kryera nga Serbia.
Postimi i plotë:
Raporti për dokumentimin e kulturocidit të kryer nga Serbia në Kosovë është edhe një dëshmi për shkatërrimin sistematik të trashëgimisë sonë kulturore.
Ky raport i hartuar nga Komisioni shtetëror i emëruar nga Qeveria, dëshmon shkatërrimin e 1784 monumenteve dhe 175 bibliotekave, asgjësimin e 1.7 milion librave shqip, grabitjen e 3724 artifakteve dhe dhjetëra mijëra dokumenteve arkivore, dëmtimin dhe vjedhjen e qindra veprave të artit.
Republika e Kosovës është e përkushtuar për të vërtetën dhe për drejtësi për të gjitha krimet e kryera nga Serbia gjenocidale.
