Kurti në New York flet për rritjen ekonomike dhe stabilitetin financiar të Kosovës
Kryeministri Albin Kurti në New York e ka zhvilluar një takim me Kristalina Georgieva, drejtoresh menaxhuese e Fondit Monetar Ndërkombëtar, në margjinat e Javës së Nivelit të Lartë të Asamblesë së Përgjithshme të Kombeve të Bashkuara.
Kurti, përmes një postimi në platformën X, ka theksuar se e ka falënderuar Georgievën për mbështetjen e vazhdueshme në forcimin e ekonomisë së Kosovës, si dhe ka treguar për temat që diskutuan.
“Ne patëm një diskutim produktiv të fokusuar në rritjen ekonomike, stabilitetin financiar dhe nxitjen e investimeve në agjendën e zhvillimit të qëndrueshëm të gjelbër të Kosovës”, ka shkruar Kurti.
