Dy deputetët e deritanishëm të Lëvizjes Vetëvendosje Eman Rrahmani dhe Visar Korenica, këtë të martë zyrtarizuan kalimin në “Listën për Familjen”, udhëhequr nga Aleanca Kosova e Re dhe Partia e Drejtësisë për zgjedhjet e 9 shkurtit, raporton Gazeta10.
Arsim Gërxhaliu, anëtar i kësaj liste i ftuar në emisionin Raport teksa dha më shumë detaje rreth kësaj liste, deklaroi se fuqizimi i një platforme të djathtë konservatore është i domesdoshëm.
“Referuar kontekstit historik të shoqërisë sonë, me theks të veçantë çerek-shekullit të fundit prej luftës e këndej, e sidomos katërvjeçarit të fundit i cili ishte jashtëzakonisht shumë i sforcuar në agjendat që prekun direkt familjen dhe vlerat tradicionale të shoqërisë sonë, mund të themi se fuqizimi i një platforme të djathë konservatore jo vetëm që është i nevojshëm por edhe i domesdoshëm për shoqërinë tonë”, deklaroi Gërxhaliu.
E sipas Gërxhaliut kjo e djathë konservatore nënkupton organizimet ideologjike më konsistente në historinë politike të vendeve perëndimore.
“E djathta konservatore nënkupton të djathtën e cila është gjithandej në vendet e civilizuara të botës, në vendet e zhvilluara perëndimore. Është organizim ideologjik e cila me gjasë të madh ndoshta është më konsistentja në historinë politike të vendeve. Është me kërkesa fisnike, me konsistencë në ruajten e vlerave tradicionale, ruajten aspektit kulturor e vlerave lokale të popujve të ndryshëm”, tha mes tjerash ai duke e quajtur të patjetërsueshmë faktin e një platformeje të tillë.
“Aspekti identitar i popullit tonë, multikulturaliteti të gjitha këto na drejtojnë nga një rrugë që duhet kemi patjetër një platformë të fuqishme konservative”.
