Zëdhënësi i Partisë Demokratike të Kosovës, Faton Abdullahu ka thënë se qeveria po mundohet të fut në ‘kurthin’ e saj opozitën, por nuk po ia del.
Ndër të tjera, ai shton se qeveria është arrogante dhe nuk po ndërron këtë qasje.
“Nga konstatimi, thikat mbi harta, nga konstatimi i asaj çfarë tha ditë më parë ambasadori amerikan se çfarë nuk duhet të bëjmë në dyert e klubit që duam të hyjmë, është periudhë disa vjeçare, dhe kjo është arrogancë e kësaj qeveria që nuk po ndërron. Kjo qeveri ka dhe diçka shumë brengosëse, shpalon informata për të mbuluar disa të tjera, që të krijojë konfuzion”, tha Abdullahu në “Edicionin Special”.
“Opozita nuk po merret vetëm me veriun, përkundrazi do të thosha. Opozita nuk po bie në ‘grepin’ e Qeverisë Kurti, por këtë qeveria po mundohet ta bëjë në mënyra të ndryshme, çoftë dhe në raport me mediat”.
