Veprimtari shqiptar në Amerikë Ramazan Bekteshi, ka kritikuar analistët dhe opozitarët, për akuzat që po ia bëjnë kryeministrit Albin Kurti, në lidhje me bukën e ushtrisë së Kosovës.
Ai ka thënë se ata nuk e kanë hallin e ushtrisë, por hallin e tyre, pasi kanë mbetur pa fonde e udhëtime qe katër vite, përcjell Bota sot.
Por, sipas tij, Kurti do t’i shkelë, pasi ëndrra e tyre për rikthimin në pushtet, është e pashpresë.
Reagimi i Bekteshit në Facebook:
Fenomeni Kurti është si stuhia, sa më shumë pengesa që i dalin përpara, ajo bëhet më e pamëshirshme, sepse i shkel dhe i lë pas si mbeturina. E sa mbeturina kanë mbetë e dimë, por s'e dimë edhe sa të tjera do të pasojnë.
Stuhia Albini shkel, edhe kur thonë analistët e opozita se s'ka bukë ushtria, sepse ata s'e kanë hallin e ushtrisë, por hallin e vet, sepse gati katër vite kanë mbet tangall pa fonde, pa plaçkë e pa udhëtime, dhe shfalerkat janë tue i braktisë kuptohet disa nga ata.
S'ka më darka e ahengje me para të shtetit, as shoping për Kërshnella dhe Vit të Ri, në Romë, Paris, Berlin, Londër, Nju Jork me familjarët. I pamëshirshëm është KM kundër hajnisë dhe atyre që ia falën veriun Srpskës, ku ishin edhe vet aksionar.
S'ka mëshirë për vazalët e servilët që dikur i gjuheshin në krahë Grenellit, që të vijnë në pushtet edhepse ai ishte armiku ynë e mik i Serbisë. Ndoshta vjen Grenell e i kthen në pushtet, por, ëndrra mbetet me shpresë të pa shpresë.
Analistë e opozitë, ulërini deri në kupë të qiellit, derisa t'i shqyeni thasët me turp, me para e haraç, derisa t’u përbijë uragani i popullit për popullin, përfundimisht!
