Shefi i Grupit Parlamentar të PDK-së, Abelard Tahiri ka reaguar edhe njëherë pasi partia në pushtet bojkooi seancën rreth borxheve të ambalazhuesve të ujit të pijshëm.
Tahiri ka thënë se pushteti po fshihet “pas kapeleve” duke shtuar se “ditët e qeverisjes incognito do të marrin fund së shpejti”.
“As sot, pushteti nuk erdhi në Kuvend për t’u ballafaquar me aferat ku janë përfshirë.
Kanë vendosur të fshihen pas kapeleve. Por pas tyre nuk do të mund të fshihen gjatë. Ditët e qeverisjes ‘incognito’ do të marrin fund së shpejti”, ka shkruar Tahiri në Facebook.
