Haradinaj tregon historinë e Kosovës në Chicago: Me padurim ecim më shpejtë drejt NATO-së

Aktuale

Haradinaj tregon historinë e Kosovës në Chicago: Me padurim ecim më shpejtë drejt NATO-së

Më: 18 tetor 2024 Në ora: 19:03
Ramush Haradinaj

Kryetari i AAK-së, Ramush Haradinaj ka njoftuar se me ftesë të Universitetit të Chicagos në Forumin Global Person ka ndarë historinë e Kosovës.

“Para shumë studiuesve dhe vdneimarrësve të nivelit të lartë botërorë dhe ekspertëve, paraqita vizionin tonë për të ardhme të qëndrueshme”, ka shkruar Haradinaj në Facebook.

“Fola për rëndësinë e diplomacisë dhe bashkëpunimit ndërkombëtar. Theksova rrugën e Kosovës drejt lirisë e shtetndërtimit dhe rëndësinë që ka përqafimi i vlerave perëndimore në arritjen e aspiratave tona për integrim euro-atlantik. Liria erdhi si rezultat i një procesi të gjatë. Në vitet ’90, nisi rezistencën paqësore. Në vitet 1997-1999 filluam luftën çlirimtare dhe më pas, më 24 mars 1999, filluan sulmet ajrore të NATO-s, udhëhequr nga ShBA, të cilat çuan në liri dhe pavarësi”, ka shkruar ai.

Haradinaj ka thënë se ky rrugëtim nuk ishte aspak i lehtë por ishte dhe vazhdon të jetë i qëndrueshëm. Sipas tij, Kosova, është tregim i sukseshëm, suksesin e bënë edhe më madh mbështetja dhe partneriteti që vjen nga bota demokratike e udhëhequr nga Amerika.

“Kosova pret me padurim të ecë më shpejt drejt integrimit në NATO. Është e rëndësishme që shtetet të jenë përgjegjëse dhe të veprojnë me llogaridhënie”, ka shkruar ai.

commentFirst article
Sot mund të lexoni Shfletoni kopertinat