Miroslav Lajçak, emisari i Bashkimit Evropian për dialogun Kosovë-Serbi, ka thënë se zbatimi i marrëveshjeve mes Kosovës dhe Serbisë duhet të fillojë urgjentisht.
Lajçak gjatë përmbledhjes javore, ka shkruar për takimin që e ka pasur me kryenegociatorin e Kosovës për dialogun, Besnik Bislimi rreth hapave të zbatimit të marrëveshjeve.
Ai tha se po përgatiten për takimin e 24 tetorit në Bruksel në mes të kryenegociatorëve të Kosovës e Serbisë.
“Ditët e fundit kanë qenë më së shumti për përgatitjen ndërsa jemi duke u përgatitur për takimin e ardhshëm të Kryenegociatorëve më 24 tetor në Bruksel. Pata një vizitë produktive në Vjenë, ku u angazhova në një diskutim të thellë dhe të thellë me zëvendëskryeministrin e parë të Kosovës, Besnik Bislimi, rreth hapave të nevojshëm për zbatimin e Marrëveshjes për Rrugën drejt Normalizimit. Është koha për të filluar zbatimin urgjentisht”, ka thënë Lajçak
Ai ka folur edhe për Samitin e Procesit të Berlint që është mbajtur gjatë kësaj jave, duke thënë se BE-ja është më e përgatitur se kurrë për zgjerim, por suksesi varet po aq nga angazhimi i Ballkanit Perëndimor për të trajtuar reformat.
“Një moment kryesor i javës së kaluar ishte pjesëmarrja në përvjetorin e Samitit të Procesit të Berlinit në Berlin me ftesë të kancelarit Scholz. Ishte një kujtesë e mirë se si ka evoluar qëndrimi i BE-së për zgjerimin gjatë dekadës së fundit. Sot, BE-ja është më e përgatitur se kurrë, por suksesi varet po aq nga angazhimi i Ballkanit Perëndimor për të trajtuar reformat e ashpra. E përfundova javën në Londër, duke u takuar me të dërguarin e Mbretërisë së Bashkuar për Ballkanin Perëndimor, Lord Peach, zyrtarë të FCDO dhe ekspertë për Ballkanin Perëndimor”, ka thënë Lajçak.
Brukseli vazhdimisht kërkon nga Kosova dhe Serbia që të fokusohen në dialogun e Brukselit për të gjetur një zgjidhje.
