Deputeti i LDK-së, Driton Selmanaj, është shprehu i shqetësuar për siç tha ai “kaosin energjetik”.
Gjatë fjalës së tij në seancën e jashtëzakonshme të thirrur nga opozita për gjendjen në KEK, ai tha se Vetëvendosje e ka rënduar gjendjen në këtë korporatë e cila siç u shpreh ai, është vitale për shtetin e Kosovës.
“Në vend se sot të diskutojmë për kapacitetet e reja energjetike në Kosovë, për sjelljen e gazit në Prishinë dhe mundësitë për ndërtimin e kapaciteteve të reja edhe si burim energjie duke shfrytëzuar edhe gazin, ne sot po flasim për kaosin energjetik. VV e solli gjendjen e rëndë në KEK. Ne si LDK shprehim shqetësimin tonë për atë që po ndodh në këtë korporatë e cila është vitale për shtetin e Ksoovës, kemi ngritur shqetësimet tona me kohë. Asnjë përgjegjësi të vetme politike nga kjo qeveri nuk ka pasur”, tha Selmanaj.
“Kryeministri Albin Kurti dikur thoshte që populli i Kosovës po rri mbi thëngjill dhe po paguajnë shumë shtrenjtë dhe me të ardhur në pushtet ndodhi që energjia elektrike në Kosovë u rrit për 100 për qind pothuajse, u harruan ato që u thanë, u harruan premtime ndërkohë që faktet natyrore nuk ndryshuan vetëm ndryshuan sjelljet politike”, u shpreh deputeti i LDK-së.
