Profesori i Shkencave të Sigurisë, Avni Islami, ka reaguar ndaj Milovan Drecunit, i cili ka sulmuar e shpifur ndaj AKI-s së Kosovës dhe SHISH-it të Shqipërisë.
Ai thotë se, qëllimi i Drecunit është që të ua humbë besimin AKI-s dhe SHISH-it tek partnerët perëndimorë.
Islami shkruan se kjo nuk do të ketë sukses, ashtu siç nuk ka pasur sukses gjatë viteve 98-99 kur përpiqej ta quante terroriste UÇK-në dhe NATO-n.
Reagimi i plotë:
Me shkas,
Milovan Drecun i cili njihet si gazetar, gjatë luftës në Kosovë ka edhe përgjegjësi edhe për vrasjen e vëllezërve Mazreku, e që vërtet ka qenë bashkëpunëtor i KOS-it, qenka mësy t’i sulmojë me shpifje shërbimet e inteligjencës së Kosovës (AKI) dhe të Shqipërisë (SHISH). Ku tjetër përveç se në Tanjug.
Qëllimi i tij është t'ua humbë besimin AKI dhe SHISH te partnerët perëndimorë! Por kjo nuk do të ketë sukses, siç nuk ka pasur sukses kur gjatë viteve 1998 dhe 1999 përpiqej t’i quante terroriste edhe UÇK-në, edhe NATO-n.
