Deputetja nga radhët e Lidhjes Demokratike të Kosovës, Rrezarta Krasniqi takimin trepalësh në Bruksel për dialogun Kosovë-Serbi, e ka quajtur dështim.
Sipas saj, tash e katër vjet nuk ka pasur asnjë lloj progresi, dhe nuk pret që do të ketë as në takimet e radhës.
“Takimet që nga fillimi, pra dialogu nuk ka pasur aspak transparencë, me të gjitha ato parimet që kanë ardhë në pushtet lidhur me dialogun i kanë shkelur. Ky ka qenë një dështim i radhës, sepse ne për herë të parë kemi masa nga Bashkimi Evropian, dhe të shkohet dhe të dialogohet nuk është rezultat i kësaj qeveria, dhe nuk pres asgjë as nga takimet e radhës”, u shpreh Krasniqi në Edicioni Special.
“Nuk është progres pse janë takuar, pse ka qenë një takim trepalësh, po hyjmë në vitin e katërt dhe nuk ka aspak progres”.
