Kryeministri Albin Kurti priti sot në takim ambasadorin e Francës në Prishtinë Olivier Guerot.
Me të cilin bisedoi mbi bashkëpunimin në fusha të ndryshme në kuadër të raporteve dypalëshe dhe bashkërendimin në arritjen e objektivave të përbashkëta.
Kreu i qeverisë së vendit tonë falënderoi diplomatin francez për mbështetjen e vazhdueshme të Francës dhe angazhimin e tij në thellimin e marrëdhënieve bilaterale.
“Sot u bë lansimi i projektit GENESIS që synon të mbështesë të rinjtë e vendit tonë që të zhvillojnë aftësitë e tyre në industrinë kreative, dhe që gjithashtu forcon bashkëpunimin me Francën, veçanërisht me Ministrinë për Evropë dhe Punë të Jashtme si dhe me Institutin Francez në Kosovë”, ka thënë Kurti.
