Njohësi i çështjeve të sigurisë, Burim Ramadani, nuk sheh assesi lëkundje të mbështetjes amerikane ndaj Kosovës në rast të fitores eventuale të Donald Trump për President të Shteteve të Bashkuara të Amerikës, duke rikujtuar se nën administratën Trump vendi krijoi ushtrinë.
“Trump 2 mund të jetë dinamike dhe vendimmarrëse edhe për Kosovën, sikurse për disa raste e rajone të ndryshme nëpër botë”, shkroi Ramadani.
Postimi i Ramadanit:
Mundësia e ardhjes së Administratës Trump 2:
Trump 2 mund të jetë dinamike dhe vendimmarrëse edhe për Kosovën, sikurse për disa raste e rajone të ndryshme nëpër botë.
Nuk shoh lëkundje të mbështetjes amerikane për integritetin dhe sovranitetin territorial të Kosovës, sikurse edhe që shoh presion ndaj Serbisë për të njohur Kosovën.
Në Administratën Trump 1, Kosova bëri Ushtrinë dhe mori njohjen nga Izraeli.
E qartë, Administrata Trump ka dëshmuar herën e parë të jetë më idhnake dhe më direkte në komunikimin me shtetet (ju kujtohet letra publike drejtuar Presidentit turk Erdogan).
