Kreu i Aleancës Kosova e Re, Behgjet Pacolli, ka njoftuar se ka qenë i ftuar në Mar A Lago, prej ku tashmë Presidenti i 47’të i Shteteve të Bashkuara të Amerikës, Donald Trump, i përcjelli rezultatet e zgjedhjeve bashkë me Elon Musk e personazhe të tjera dhe më pas festuan fitoren.
Pacolli ka publikuar edhe një fotografi ku shihet Trump duke qëndruar pas tij, të cilin e ka quajtur mik të madh të shqiptarëve.
“Miku i madh i shqiptarëve presidenti Donald Trump rizgjidhet në krye të shretit më të fuqishëm të botës, në një fitore spektakolare. Ndjenjë e veqantë të isha i ftuar në Mar A Lago në festimin e kësaj fitore të madhe”, ka shkruar Pacolli, krahas fotografive.
Donald Trump ka siguruar 277 prej 270 votave të nevojshme të Kolegjit Elektoral për t’u shpallur president.
Trump është zotuar se do ta “shërojë” kombin, teksa u është drejtuar mbështetësve nga Florida.
