Kreu i degës së AAK-së në Gjilan, Nazim Gagica, ka kërkuar nga kryetari i kësaj komune që ta ndalojë përdorimin e doracakut “Edukimi Seksual dhe Riprodhues”.
“Është obligim i yni të kujdesemi dhe ta mbrojmë familjen. Çdo përpjekje e kujtdo qoftë për ta dëmtuar familjen, sigurisht që do të përballet me reagim qytetar e politik, të atyre që e duan Kosovën dhe të ardhmen tonë të shëndoshë”, ka thënë Gagica.
“Ftoj institucionet komunale, veçmas kryetarin e Komunës së Gjilanit për ta ndaluar përdorimin e doracakut “Edukimi Seksual dhe Riprodhues” për nivelet 1-5, 6-9, dhe 10-12, i cili u prezantua me 10 tetor 2023, në javën e promovimit të shëndetit në shkolla, me temën “Edukimi seksual gjithëpërfshirës në shkolla”, organizuar nga MASHT”, është shprehur tutje Gagica.
Ai ka shtuar se edhe Komuna e Gjilanit duhet të reflektojë sikur komunat tjera.
