Gazetari Arben Ahmeti, ka nisur bërjen e sondazheve, për zgjedhjet nacionale që do të mbahen me 9 shkurt.
Ai ka treguar se ka realizuar disa telefonata gjatë katër javëve të fundit, nga të cilat kanë dalë rezultate të ndryshme për tri vendet e para, përcjell Bota sot.
Sipas tij, në garë për kryeministër “kokë më kokë” janë Albin Kurti, Bedri Hamza dhe Lumir Abdixhiku.
“Meqë e paskeni trajtu seriozisht, më duhet me i'u tregu që postimi i mëhershëm ishte gallatë. Nuk kam pa sondazh tjetër pos këtyne që po i bëj te mëngjesi. Një në javë për partinë, një për kandidatët. Rezultatet në katër javët e fundit i keni në foto. Ato nuk kanë mostër. Aty e keni datën dhe numrin e thirrjeve në 10 deri 15 minuta. Këto sondazhe tregojnë që vendi i parë, i dytë dhe i tretë janë të hapur. Bedriu, Albini dhe Lumiri janë kry për kry në to. Andaj, as në postimin gallatë nuk vendosa emra të partive. Nga java tjetër, ju bombradoj me sondazhe. Le të fillojë gara”, ka shkruar Ahmeti në një postim në Facebook.
Kryeministri Albin Kurti, së fundmi ka deklaruar se nuk pret ndryshim të rezultateve në zgjedhjet e reja nga ato të kaluarat. Ai është shprehur optimist se Lëvizja Vetëvendosje, do të fitojë sërish mbi 50% të votave./Botasot
