Deputeti, Eman Rrahmani ka reaguar për sulmin në Ibër Lepenc, të ndodhur dje në Zubin Potok, teksa e ka quajtur “akt kriminal”.
Rrahmani theksoi se autorët gjegjës duhet marrin ndëshkimin e menjëhershëm nga autoritetet e Kosovës.
“Akti terrorist i ndodhur sot në veri të Kosovës, duhet të marrë ndëshkimin e plotë dhe të menjëhershëm nga autoritet e Republikës së Kosovës.
Mbështetje të plotë për të gjitha institucionet e Republikës së Kosovës, për ofrimin e sigurisë në gjithë territorin e Republikës së Kosovës, në koordinim të plotë me aleatët tanë ndërkombëtarë”, ka shkruar Rrahmani.
