Një muaj paraburgim ndaj të dyshuarit për sulmin në Zubin-Potok
Gjykata Themelore në Prishtinë ka caktuar masën e paraburgimit në kohëzgjatje prej 30 ditësh ndaj Jovan Viqentijeviq, i dyshuar për sulmin e 29 nëntorit në kanalin e Ibër-Lepencit në Varagë të Zubin-Potokut.
Këtë e ka konfirmuar, Mirlinda Gashi, zëdhënëse e Gjykatës Themelore në Prishtinë.
Ndryshe, një shpërthim i fuqishëm të premten në mbrëmje në Varagë të Zubin Potok, ka dëmtuar kanalin e ujit Ibër-Lepenc.
Kryeministri i vendit, Albin Kurti këtë sulm në veri të Kosovës e ka quajtur kriminal dhe terrorist dhe vjen nga bandat e orkestruara nga Serbia.
Sulmin e kanë dënuar edhe bashkësia ndërkombëtare dhe kanë kërkuar sjelljen e autorëve përgjegjës para drejtësisë.
E Prokuroria Speciale një ditë më parë ka bërë të ditur se në koordinim me Policinë e Kosovës kanë kryer disa kontrolle në disa lokacione të ndryshme, ku janë gjetur dhe sekuestruar armë të ndryshme dhe pajisje tjera.
Përfundon seanca ndaj të dyshuarit për sulmin në Ibër-Lepenc
Ka dalë para gjykatës të martën Jovan Viqentijeviq - i dyshuari për sulmin e 29 nëntorit në Ibër-Lepenc të fshatit Varagë.
Gjatë kontrollit, autoritetet e Kosovës kanë gjetur në shtëpinë e tij granata dore, armë e municione.
Pas përfundimit të seancës, avokati i tij Nebojsha Vllajiq tha se ende nuk është marrë ndonjë vendim.
Lidhur me sulmin në veri, Policia e Kosovës ka arrestuar dhjetë të dyshuar. Ditë më parë një tjetër i dyshuar është dërguar në paraburgim.
Ndërkaq tetë të tjerë janë liruar.
Pas rastit të sulmit në Ibër-Lepenc, dhe disa sulmeve të tjera radhazi në veri, autoritet kanë kryer bastisje në disa lokacione ku kanë gjetur arsenal armësh e dëshmi të tjera.
Mbrëmjen e 29 nëntorit ka ndodhur një shpërthim në fshatin Varagë të komunës së Zubin Potokut, në pjesën veriore të Kosovës.
Shpërthimi ka dëmtuar kanalin e ujit të Ibër-Lepencit.
Autoritetet e Kosovës kanë deklaruar se sulmi është kriminal e terrorist dhe vjen nga bandat e orkestruara nga Beogradi.
Kryeministri Albin Kurti ka thënë se sulmi ka pasur synim dëmtimin e infrastrukturës “mbase edhe më të rëndësishmen që kemi”.
Prej Ibër-Lepencit furnizohen me ujë nga Liqeni i Ujmanit disa qytete të Kosovës, gjithashtu Koorporata Energjetike e Kosovës.
Dërgohet para gjykatës një nga të arrestuarit për sulmin në Zubin-Potok
Është dërguar para trupit gjykues i dyshuari për sulmin në kanalin e Ibër-Lepencit, që u arrestua të dielën mbrëma.
Gjatë kontrollit në shtëpinë e tij janë gjetur granata dore, armë e municione.
Me urdhër të prokurorit, atij i ishte caktuar masa e ndalimit policor prej 48 orëve.
Njëri prej të dyshuarve është dërguar në paraburgim ditë më parë.
Tetë persona të tjerë që ishin arrestuar janë liruar.
