Kandidati i PDK-së për Kryeministër, Bedri Hamza, sot është takuar edhe me përfaqësuesit të Sindikatës së Bashkuar të Arsimit, Shkencës dhe Kulturës.
Hamza ka thënë se i mbështet kërkesat e Sindikatës së Arsimit, sepse mbështetja e tyre është mbështetje për një shoqëri më të arsimuar dhe më të zhvilluar.
Ai ka thënë se suksesi i mësimdhënësve është suksesi i Kosovës.
“I mbështes kërkesat e Sindikatës së Arsimit, sepse mbështetja e tyre është mbështetje për një shoqëri më të arsimuar dhe më të zhvilluar. Rritje të investimeve në arsim dhe paga 50% më të larta për mësimdhënësit. Digjitalizim të shkollave dhe integrim të teknologjisë në mësimdhënie.Bursa për nxënësit dhe studentët, në mënyrë që asnjë i ri të mos mbetet prapa për shkak të gjendjes ekonomike. Politika që rikthejnë dinjitetin e mësuesit dhe e bëjnë arsimin prioritet kombëtar. Suksesi i tyre është suksesi i Kosovës. Dhe, Kosova mundet ma mirë!”, ka shkruar Hamza.
