Ish-ministrja e Jashtme e Kosovës, Meliza Haradinaj-Stublla, ka thënë se deklarata e djeshme e sekretarit të Përgjithshëm të NATO-s tregon se sulmi në Ibër-Lepenc, është problem rajonal, e jo i brendshëm i Kosovës.
Haradinaj-Stublla në një postim në “X” ka shkruar se boshti i fortë ruso-serb po rrezikon gjithë evropën kontinentale.
“Deklarata e Sekretarit të NATO-s se sulmi terrorist mbi infrastrukturën kritike në veri të Kosovës muajin e kaluar nënvizoi brishtësinë e stabilitetit në Ballkanin Perëndimor sugjeron se ky sulm është një problem rajonal (jo vetëm një çështje e brendshme e Kosovës). Kjo aludon me të drejtë se pas këtij akti qëndron Serbia!”
THE STRONG RUSSO-SERBIAN AXIS IS ENDANGERING ALL OF CONTINENTAL EUROPE:
— Meliza Haradinaj (@MelizaHaradinaj) December 17, 2024
The statement by @SecGenNATO that the terrorist attack on critical infrastructure in northern #Kosovo last month underlined the fragility of stability in #WesternBalkans suggests that the attack is a… pic.twitter.com/GCTR4TXwq9
“Kjo deklaratë u bë dje gjatë një konference për shtyp me Kryeministrin e Malit të Zi, Milojko Spajiq menjëherë pas diskutimit të situatës së vështirë në #Ukrainë pas sulmeve të Rusisë ndaj infrastrukturës së saj kritike”, ka shkruar Haradinaj-Stublla.
Sekretari i Përgjithshëm i NATO-s, Mark Rutte, gjatë një konference të hënën, u shpreh se sulmi në kanalin e Ibër-Lepencit në veri të Kosovës, tregon brishtësinë e stabilitetit në Ballkanin Perëndimor.
Ai bëri thirrje që të nxirren faktet sa më shpejt dhe përgjegjësit të sillen para drejtësisë.
