Jeffrey Hovenier, ambasadori i SHBA-së në Kosovë, ka vlerësuar lartë autoritetet e Kosovës që kanë ekstraduar javën e kaluar në SHBA një kosovar që po dyshohet për një vrasje të kryer në Bronx 18 vjet më parë.
Hovenier ka thënë se u përdor Traktati i Ekstradimit SHBA – Kosovë.
“Ne i vlerësojmë shumë autoritetet kosovare që asistuan Qeverinë e SHBA-së në këtë rast. Angazhimi ynë i përbashkët për forcimin e sundimit të ligjit vazhdon t’i bëjë vendet tona më të sigurta”, ka shkruar Hovenier në platformën “X”.
Last week, we used the US-Kosovo Extradition Treaty to send a defendant from Kosovo to the United States to face trial. We greatly appreciate the Kosovan authorities for assisting the U.S. government with this case. Our shared commitment to strengthening the rule of law continues…
— Ambassador Jeff Hovenier (@USAmbKosovo) December 16, 2024
Kosovari A.G. nga Peja dyshohet për një vrasje të kryer në vitin 2006 në Bronx. Ai dyshohet se pas një zënke në një bar ishte goditur me veturën e tij një turmë të njerëzve dhe la të vdekur një kalimtar të pafajshëm.
42-vjeçari u ekstradua Më 13 dhjetor dhe pritet të paraqitet në gjykatë në SHBA më 16 janar.
