Policia e Kosovës po kërkon nga qytetarët ndihmë për të identifikuar një person.
Duke publikuar pamje nga kamera të sigurisë, personi në fjalë dyshohet se ka kryer një vjedhje, në maj të këtij viti.
“Sektori i Hetimeve të kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi”, thuhet në njoftimin e policisë.
Nga policia bëhet thirrja që për çdo informatë që çon në identifikimin e personit, të kontaktohen organet e sigurisë.
