Avokati i Popullit Naim Çelaj, ka folur rreth vendimit të KQZ-së për moscertifikimin e Listës Serbe për zgjedhjet e 9 shkurtit.
“E kemi përcjellur dje procesin e certifikimit të partive politike.
Konsiderojmë që Kosova ka një bazë solide ligjore që do t’i mundësojë palëve të pakënaqura që të ushtrojnë ankesë, dhe jam shumë i sigurt që ky rast do të trajtohet me shumë seriozitet dhe përkushtim dhe do të jepet një verdikt përfundimtar”, u shpreh ai për Klan Kosovën.
Shkak për moscertifikimin e Listës Serbe nga Komisioni Qendror i Zgjedhjeve, janë thirrjet nacionaliste të kryetarit të Listës Serbe në Kosovë, Zllatan Ellek, të bëra gjatë prezantimit të listës zgjedhore.
